Swapnayatra

550.00

जीवन कस्तो हुनुपर्छ ? शायद उत्तर व्यक्तिपिच्छे फरक आउँछ, किनभने व्यक्तिपिच्छे फरक अनुभूति र दृष्टिकोण छ । तर, जीवनमा आनन्द र समृद्धि चाहिन्छ भन्नेमा भने दोस्रो मत शायदै कसैले राख्ला । यद्यपि प्रश्न यत्तिमै सकिदैन किनभने समृद्धिका पनि अनेक ढाँचा छन् जसरी आनन्दका अनेक बाटा छन् ।

यस पुस्तकमा लेखकले अगणित समृद्धि र आनन्दका अगणित बाटाहरू अचम्मसित उद्घाटित गरिदिएका छन् जो पढ्दापढ्दै पाठकमा अनौठो भाव र अनुभूतिको सिञ्चन हुन जान्छ । प्रकृति दरिद्र छैन । त्यसैले होला यसलाई हाम्रा मनीषिहरूले मानवीकरण गरे र भने ईश्वर, माने ऐश्वर्यको मालिक । त्यस्तो ऐश्वर्यशाली संसारमा जन्मिएको हरेक मनुष्य पनि मरम सुखको अधिकारी हो । तर, कतिकति कारणहरूले जीवनलाई दरिद्रताले घेरेर राखेको छ अनि दुःखले बेरेर राखेको छ । पुस्तक पढ्दै जाँदा लाग्छ, दरिद्रता केवल आफू र यो जगत्को सौन्दर्यलाई चिन्न नसक्नको परिणति हो । नत्र त जीवन परम सुख र समृद्धिको अधिकारी हो जसरी नेपाल स्वर्गको एक टुक्रा हो ।

आउने समयमा नेपाल कस्तो हुने र नेपाली कस्ता हुने भन्नेबारे हजार व्याख्या र बहस भए होलान्, हुँदै गर्लान् पनि । तर, जति खँदिलो र मीठो गरी आख्यानको सुनौलो संसारमा त्यो चीरप्रतीक्षित जीवन र जगतको नोरम तस्वीर लेखकले अक्षरहरूमा उतारिदिएका छन्, त्यो यस अघि कहिल्यै भएको थिएन । त्यसैले यो आफैमा अनुपम छ जो नेपाली साहित्यका लागि एक नौलो उपहार भएको छ ।

X